الخميس، 26 نوفمبر 2015

حسان في تركيا

صديقي حسان السوري ذهب الى تركيا عدة أسابيع لزيارة ابنته المقيمة هناك ، وعندما عاد بالسلامة سألته برسالة قصيرة "كيف كانت رحلتك لتركيا؟" فأجابني بانطباعاته وذلك باللهجة السورية الأصلية ومن شدة اعجابي باسلوبه طلبت اذنه بنشر رده ووافق على ذلك.

والحقيقة انني سافرت لتركيا منذ أكثر من عشرين عاما ولفت انتباهي جمال الطبيعة والمناظر الخلابة ، أما ما حكاه الأخ حسان فلم يكن موجودا وقتها فقد كان الوضع هناك مشابه لمصر من نواحي كثيرة.
لذلك فعلينا ألا نيأس فقد يأت يوم على أولادكم أو أحفادكم ويرون مصر وقد تغيرت وأصبحت كما نتمناها.

وهذا نص رسائله :


شو تركيا يا أخي ... أنا أول مرة بطلع لبلد أوربي
نحنا كان يطير عقلنا ببيروت
لك طلعت بيروت ولا شي الله وكيلك يا أخي ... شي بياخد العقل
بنتي الله يرضى عليها ساكنه بمرسين ... وشو مرسين يا أخي ... شو شوارع شو شاطئ شو نضافة شو أجهزة رياضية للي حابب يعمل رياضة صباحية عالشط مجانا
شو عالم راقية بس الله يسامحون مو محجبين في مساجد بس القرأن بالعربي والشرح بالتركي
جماعة معتدين بلغتهم لا يتكلمون إلا التركية وهذا كان عائق للتفاهم معهم
شو أبنية يا أخي كل بناية في أسفلها مواقف لسيارات شاغلي البناء ما بتلاقي سيارة راكنه بالشارع إلا لمن له حاجه
وباب عالريموت بيفتح بتفوت بالسيارة بعدين بيسكر
بمدخل البناية حساسات إضاءة بس تفتح باب البناية بيشعل الأتوماتيك
بكل بناية مصعد وكل بناية لها حديقة لأهل البناية مع ألعاب للأولاد ... تصور مواقف للسيارات ومواقف لوضع الدراجات
شغله لزحلان العقل
جو طبيعة خلابة مناظر ساحرة يعني شو بدي إحكيلك أكيد أنت البركة شايف أكتر مني فبتلاقي الشي عادي بس أنا نشلمت وقال شو لسى أنا ما شفت شي قالولي نزيل عاسطنبول وشوف هنيك
مساجد يا أخي بتطير العقل شو هاد الله أكبر برضو قالولي اسطنبول أحلى
بس متل ماقلتلك مو جونا يعني النساء عاريات عاريات وخصوصا عالشط بيلباس السباحة وأنا مرتي بالبانطو والحجاب أي ما ظبطت معنا لذلك ما ستمتعنا كتير عالشط
الشط كلو يا أخي حدائق وألعاب للأطفال وبراكيات من خشب داخلها طاولة واسعة وكرسي طويل على قد الطاولة من طرفي الطاولة ومغاسل وتواليتات أكثر ما يميزها نظافتها مع أنها بحديقة عامة
ما بتلاقي ورقة بالأرض ما بتلاقي عقب سيكارة
من الصباح الباكر صيانة للمزروعات والورود على الطرقات زائد عمال النظافة
للأسف هم يطبقون الإسلام وهم غير ملتزمون ونحن ندعي الإسلام وتعا شوف شوارعنا وحدائقنا يا سبحان الله
والله إذا الله بدو يفوتون عالجنة لنظافتهم وانضباطهم
الحكي مو متل الشوف يا أخي
لو بقيت أتكلم للزم وقت طويل ولكن أكتفي بهذا القدر خشية الملل

شلالات طرسوس
أجهزة للتمارين الرياضية مجانا على الشط

أجهزة للتمارين الرياضية مجانا على الشط

جامع عائشة يللي بنتي بتعطي دروس دين وتحفيظ قرأن
أحواض أسماك من جميع الأنواع
هذه منطقة رائعة الجمال هنا أنا وصهري جوز بنتي نسبح في مياه عذبة باردة ولكنها ممتعة
في حديقة الحيوان والطقس ماطر

في مجمع كارفور بمرسين
حسان عبد الهادي حسان الحبال
الملقب : أبو عبدو الدمياطي


جريدة الأهرام 4 مارس 1959


ليست هناك تعليقات: